November 2022

FOL-eko ikasleek lan arriskuen prebentzioko erronka bukatzeko lehen Sorospen tailer praktikoa egin dute ikastetxean Bilboko Larrialdi zentruko teknikariekin batera.

Ibilgailu elektrikoeri buruzko hitzaldia ikastetxean. Gorka Zuñigaren eskutik, gure ikasle ohia eta Gaursako langilea.

Antzerkiaren balio pedagogikoa erabiliz, Iurgi Etxebarria aktorearen eskutik, 2 orduko hiru saio erabili dituzte urrian zehar Arretako 2. mailako ikasleek.
Pertsonekin lan egiten duten ofizioek(zaintza gure kasuan)aldi oro, emozioekin topo egiten dute eta emozioen kudeaketan, momentu zailetan, norberak bizitakoa da, pertsonok lehenesten dugun jakintza.
Antzerkiak, fikzioa den mundu baten, emozioen bizipenak taularatzen ditu eta pertsona desberdinok egoera berdinean izan ditzakegun jokamoldeak edota rolak ikertzeko aukera ematen du.
Antzerkia tresna moduan hartuta 1. mailan egindako lan praktiken inguruan hausnarketa egin dute ikasleek.

Telekomunikazio zikloen arteko Erronka bateratua: Ikastetxeen arteko emergentzia sarearen inplemenmtazioa martxan.

Iurretako Lanbide Heziketako eta Galdakaoko Andra Mari Lanbide Heziketako ikasleak, erronka bateratuaren barruan, bi ikastetxeen arteko emergentzia sarea martxan jartzen dabiltza. Horretarako, pasa den astean bideokonferentzia bidez, bi ikastetxeetako ikasleak lehen planteamendua burutu berri dute.

Erronkaren gakoa, hondamendi natural edo komunikazio-bideen matxura hipotetiko larri bati aurre egiteko, emergentzi sarea instalatzea da. Horrela ba, datorren urriaren 21an, ikastetxe bietako ikasleek, hari-gabeko teknologia aurreratuak erabiliz sare hau martxan jarriko dute.

Konexioa hiru puntotara egingo da, Oiz mendia erdi-puntu bezala erabiliz. Horrela ba, Oiz mendian, %100 autonomoa den irrati nodoa inplementatu beharra izango dute ikasleek, emergentzia kasuan bi ikastetxeen arteko konexioa ahalbidetzeko.

Gure ikastetxean “Film Sozialak” Zinema Ikusezinaren Nazioarteko Jaialdia urriko 1. aste osoan zehar ospatu genuen. 5 saio ikusi genituen ikasle eta irakasleok.
Zinema ikusezinarekin elkarlanean diharduten laguntzaile kubatarrek gure ikastetxea bisitatu zuten euren esperientzia ikasleen artean partekatuz. KCD-ONGD-ri eskerrak eman nahi dizkiogu eta zoriondu ere egiten ari den lan bikainagaitik.

Iurreta LHIko ikasleak ikasenpresako proiektuak lantzen. Proiektuak jada martxan dauzkate.

“Telekomunikazio-Instalazioak” zikloko ikasleek Laneko Arriskuen Prebentzioari buruzko erronka burutu dute. Laneko Prestakuntza eta Orientabide Sailak sortu du erronka, prebentzio-kultura sustatzeko eta etorkizuneko langileak jokabide seguruak eta osasungarriak hartzearen garrantziaz sentsibilizatzeko.

Durangaldeko Ikaslan Bizkaiko ordezkariek Sizilian izan dira Erasmus+ programaren Italiako Lanbide Heziketa ezagutzen.
Durangaldeko Lanbide Heziketako profesionalen ordezkaritza Ikaslan Bizkaiarekin Sizilian izan da Lanbide Heziketako Erasmus+ arloko azken berrikuntzak ezagutzeko.
Argazkian Italiara joan diren partaideak: Asier Puente de Kirolene, Lidia García de Ikaslan Bizkaia, Marian Berrocal CIFP Zornotza LHII eta Ikaslan Bizkaikoa, Esther Elexgaray CIFP Iurreta LHIIkoa, Idoia Atxaga CIFP Zornotza LHIIkoa eta Ritxar Alberdi CIFP Bidebieta LHIIkoa.

Futura eta Endo-Fap Italiako Sizilia eskualdeko LH-ko ikastetxeek ateak ireki dizkiete Ikaslan Bizkaiko ikastetxeetako zuzendarieri eta elkarteko ordezkariei hilaren 25az geroztik. Nazioartekotze-jarduera hori 1. Ekintza Giltzarriari (pertsonen hezkuntza-mugikortasuna) buruzko Erasmus+ programako proiektuen barne dago.

Zerbitzu berriak sortzea da helburua. Partehartzaileek Futura–Istruzione eta Formazione Professionale enpresen egoitza bisitatu zuten, bertan, Filippo Cirinesi zuzendariak eta Giovanni Vultaggio aholkulariak ikastetxearen misioa eta Lanbide Heziketak Italiako hezkuntza-sisteman duen balioa partekatu zituzten. Palermon Salvatore Iacono zuzendariaren eskutik Endo-Fap–Ente Nazionale Don Orione zentroa ezagutu zuten ere. Irakasleek ikastetxeko metodologia didaktikoak aurkeztu zituzten, ikasleen zeharkako konpetentzien garapena azpimarratuz, eta, adibide gisa, jatetxe-arloko edo marketineko zikloetako ikasleek egindako ekitaldi bat eskeini zieten.

Europar Batasunak diruz lagundutako Erasmus+ programaren barruko nazioartekotze-jardunaldiekin, Ikaslan Bizkaiko zuzendaritzek eta langileek Italiako Lanbide Heziketako sistemaren berezitasunak eta jardunbide egokiak ezagutzeko aukera izan zuten.