Machine Learning-ean oinarritutako AI eredu baten garapena CNC makinetan ebaketa-fluidoaren erabilera optimizatzeko. Proiektuaren helburua da txirbil-harroketako industria-prozesuen jasangarritasuna hobetzea eta ingurumenean duten eragina murriztea, Machine Learningean oinarritutako adimen artifizialeko teknikak aplikatuz. Tknika horiei esker, zenbakizko kontroleko txirbil-harroketako makinen ingurumen-inpaktua murriztu nahi da, ingurumenari eragiten dioten faktoreak identifikatuz, monitorizatuz eta kontrolatuz, hala nola ebaketa-fluidoak erabiltzearen ondoriozko hondakinak sortzea.

IIoT teknologia duten arropen diseinua eta garapena, eta Geokokapena duen segurtasun App baten garapena, genero-indarkeria, haurren kontrako indarkeria edo adineko pertsona edota ezgaituen desagerpena ekiditzeko.

Euskal Herrian fabrikazio mekaniko arloan ekonomia zirkularreko eredua sortzea eta Lanbide Heziketako ikasleak trebatzea da helburua. Euskarri digitalean garatuko da ekonomia zirkularreko ataza bakoitza ziurtatuz “Blockchain Fabric” teknologiaren bitartez.

Euskadiko Lanbide-heziketako ikastetxeetako ikasleek diseinatu eta eraikitako ibilgailu elektrikoen lehiaketa da.
Ikasleek ibilgailu elektriko bat diseinatu eta eraiki behar dute, oinarri eragile komun batetik abiatuta (motorra, motorraren kontrolatzailea eta bateriak), ikasleen artean talde-lana sustatzeko.

Zerocovid espazioak eraikitzea temperatura, hezetasuna eta CO2-aren IoT sentsorika erabiliz, airearen kalitatea aireztapen-sistemekin erregulatuz eta datuak denbora errealean eta Cloud-en modu zentralizatuan monitorizatuz.

Internet bidez Automozioa marken informazio teknikoa eskuratzeko eta ibilgailuen diagnosia egin ahal izateko tresna.

Potentzia baxuko Powertrain baten integrazioa eta dokumentazioa garatzea du helburu. Maketa batean oinarritutako ibilgailu elektrikoen osagaien inguruan ikasketa plataforma ireki bat (hardware/ software) ere garatuko da Alecop enpresarekin elkarlanean.

DRBFM (Design Review Based on Failure Mode edo Diseinuaren berrikuzpena akats moduetan oinarrituta) ANFEtik abiatutako erreminta da, diseinu faserako berariazkoa, aldaketen kontrola ahalbidetzen duena. Diseinu sendoak sortzeko erreminta da, diseinatzaile eta ingeniariek hasiera hasieratik akats gabeko produktuak sortzeko planteatua.

Maker kultura zabaltzeko proiektua da. 3D inprimagailu, laser makina eta egurra lantzeko Maker Made makinetatik abiatuta, formazioak eskeini, esperientziak elkartrukatu eta Maker tresnen erabilera bultzatzea da helburua.
• EKIN! Maker gunea
• https://www.thingiverse.com/iurretalhii/designs
• Laser makina
• Maker made makina

Automobilgintzarako zuzendutako joku simulazioa da. Autoen elektrizitatea ikasteko proiektu honetan, kotxe batetako zirkuitu elektrikoa aukeratu eta jolastuko du ikasleak.

Hezkuntzarako prezio baxuko beso biko robot kolaboratiboa. Open hardware eta open softwarean oinarritutakoa.

Urkiola auto elektrikoa, iraunkorra, efizientea, berritzailea eta jasangarria. Proiektu honetan ikastetxeko ziiklo ezberdinek hartuko dute parte bakoitzari dagokion lan esparruan ekarpenak eginez. 1953ko Estancona fabrikazio durangarreko modelo mitikoan oinarritutako prototipo berritzailea.