Berriak

“Telekomunikazio-Instalazioak” zikloko ikasleek Laneko Arriskuen Prebentzioari buruzko erronka burutu dute. Laneko Prestakuntza eta Orientabide Sailak sortu du erronka, prebentzio-kultura sustatzeko eta etorkizuneko langileak jokabide seguruak eta osasungarriak hartzearen garrantziaz sentsibilizatzeko.

Durangaldeko Ikaslan Bizkaiko ordezkariek Sizilian izan dira Erasmus+ programaren Italiako Lanbide Heziketa ezagutzen.
Durangaldeko Lanbide Heziketako profesionalen ordezkaritza Ikaslan Bizkaiarekin Sizilian izan da Lanbide Heziketako Erasmus+ arloko azken berrikuntzak ezagutzeko.
Argazkian Italiara joan diren partaideak: Asier Puente de Kirolene, Lidia García de Ikaslan Bizkaia, Marian Berrocal CIFP Zornotza LHII eta Ikaslan Bizkaikoa, Esther Elexgaray CIFP Iurreta LHIIkoa, Idoia Atxaga CIFP Zornotza LHIIkoa eta Ritxar Alberdi CIFP Bidebieta LHIIkoa.

Futura eta Endo-Fap Italiako Sizilia eskualdeko LH-ko ikastetxeek ateak ireki dizkiete Ikaslan Bizkaiko ikastetxeetako zuzendarieri eta elkarteko ordezkariei hilaren 25az geroztik. Nazioartekotze-jarduera hori 1. Ekintza Giltzarriari (pertsonen hezkuntza-mugikortasuna) buruzko Erasmus+ programako proiektuen barne dago.

Zerbitzu berriak sortzea da helburua. Partehartzaileek Futura–Istruzione eta Formazione Professionale enpresen egoitza bisitatu zuten, bertan, Filippo Cirinesi zuzendariak eta Giovanni Vultaggio aholkulariak ikastetxearen misioa eta Lanbide Heziketak Italiako hezkuntza-sisteman duen balioa partekatu zituzten. Palermon Salvatore Iacono zuzendariaren eskutik Endo-Fap–Ente Nazionale Don Orione zentroa ezagutu zuten ere. Irakasleek ikastetxeko metodologia didaktikoak aurkeztu zituzten, ikasleen zeharkako konpetentzien garapena azpimarratuz, eta, adibide gisa, jatetxe-arloko edo marketineko zikloetako ikasleek egindako ekitaldi bat eskeini zieten.

Europar Batasunak diruz lagundutako Erasmus+ programaren barruko nazioartekotze-jardunaldiekin, Ikaslan Bizkaiko zuzendaritzek eta langileek Italiako Lanbide Heziketako sistemaren berezitasunak eta jardunbide egokiak ezagutzeko aukera izan zuten.

2.mailako ikasleek ekintzailetasunari buruzko hitzaldia izan dute. DEMA -tik Jone Txurruka eta ekintzaileak Lucia Bonilla, Maitane Aurrekoetxea eta Mikel Pikaza izan dira beraien esperientziaren berri ematen.

Europe Direct Bizkaia-ko kideak izan ditugu ikastetxean Administraritzako ikasleekin Europa eta bertako erakundeak ezagutu ditzaten.

Mantentze Lan-Elektronikoko ikasleak Txirula Musik bisitatu dute. Ikasleek erronka burutzeko behar duten informazio eta aholkuak jaso dituzte. Eskerrik asko Txirula Musik !

Eskerrik asko Eusko Jaurlaritzako Liburutegi Zerbitzu eta Iurretako Herri Bibliotekari “Sareko Liburutegiak GJHekin” jardunaldietarako gonbidapena luzatzeagatik. Alicia Sellés Carot (FESABID-eko lehendakariak) dinamizatu zuen tailerra.

Manahmana Skoop -k kudeatutako “Bilera eraginkorrak sortzen” ikastaroan parte hartuko dugu datozen asteetan Iurreta Lanbide Heziketako hainbat irakaslek.

“Euskara, batzen gaituena!” lelopean Hizkelan VII jardunaldian Gasteizen izan zen. Eskerrak eman nahi dizkiogu JAKINBAIk egiten duen lan bikainagatik. Ospatutako Hizkelan ekitaldian oroigarria jaso zuen Tomas Maguregi Unamunzaga-k, gure zuzendari ohiak. ZORIONAK omendutako guztieri! Lanbide Heziketan eta lanean euskaraz egindako bideagatik merezitako saria etxera eraman zenuten.

Administraritzako ikasleek “Gaitasun Digitalak” erronka burutu zuten. Ikasleek jarduera bat burutzeko bakarkako eta gizarte-betekizunetarako dituzten ahalmenen multzoa eta teknologiaren erabilpenarekin lotura dutenak praktikan jarri zuten. Informazioaren eta komunikazioaren teknologiak modu sortzaile, kritiko, eraginkor eta seguruan erabili eta gizartean nola parte hartu ikasi zuten.