Elektronikako ikasleak Wearables
Mantentze-lan elektronikoa taldeko 1.mailako ikasleak BIC Bizkaian antolatutako Wearables eta ekintzailetasuna sustatzeko jardunaldietan. Argazkian GOGOA enpresak egindako belaunerako exoeskeletoa.
Berriak
Lan Prestakuntzako sari banaketa, Euskalduna Jauregia, BIlbao.
Enpresa eta Lanbide Heziketa Ekitaldia Euskalduna Jauregian Confebask-en eskutik. Saritutako enpresak eta tutoreak.
Euskalduna Bilbao Jauregian izandako Lan Prestakuntzako sari banaketa. Zaldibarko CMZ enpresari Bizkaiako enpresarik onenari saria eman diote.
Da! Durangoko Liburu eta Disko Azoka 2019.
Euskal Liburu eta Disko Azokan izan dira gure ikasleak.
Durangoko lehenengo euskal liburu eta disko azoka 1965ean egin zen, Andra Mariko elizpean. Abenduan ez ezik, zemendiaren 1ean ere bai, Domu Santu egunez. Sortu berri zen Gerediaga Elkarteak antolatu zituen ekitaldien artean lehenengoetarikoa izan zen. Azoka hark helburu nagusi eta argia zuen: Euskal Herriko liburugintza eta diskogintzaren ekoizpena ezagutzera ematea.
Osakidetzako materiala
Osakidetzaren eskutik GIB/HIESaren, sexu-transmisiozko infekzioen eta nahi gabeko haurdunaldien prebentziorako ikastetxera heldutako materiala.
“Alkarregaz eraikiz” jardunaldia
Iurreta Lanbide Heziketa Ikastetxe Integratuan (LHII) “Alkarregaz eraikiz” jardunaldia antolatu da, Durangaldeko Behargintza Durangoko Merindadearen Mankomunitatearen eskutik.
Gardabera enpresak zuzenduta, Lan-saioa Open Space teknikaren bidez, eskualdeko prestakuntza-zentro, elkarte, enpresa eta udaletako 50 bat eragileren artean hausnarketa partekatua eta sinergiak sortzea bultzatu nahi izan dira.
Helburua egungo egoeraren diagnostiko partekatua egitea, eta eskualdean laneratzea hobetzea ahalbidetuko duten balizko lan ildoak zehaztea izan da. Durangaldean prestakuntzaren eta enpleguaren arloan egunez egun lan egiten duten eragileen arteko topagune eta lankidetza egonkorragoa sortzeko lehen urratsa da ekimen hau. Ildo horretan, Mireia Elkoroiribe Mankomunitateko presidenteak iragarri du enplegu- eta prestakuntza-foro bat sortuko dela, eta bertan eskualdeko prestakuntza- eta enpresa-esparruko hainbat eragilek parte hartzeko, hausnarketarako eta lankidetza egonkorrerako gune gisa; horren helburua Durangaldeko pertsonen enplegagarritasuna handitzea eta enpresen lehiakortasuna hobetzea izango da.
Iñaki Totorikaguena Iurretako alkateak, bere aldetik, arlo ezberdinetan prestakuntza eta orientazioa gure gizartearen eta gure enpresen beharrekin lerrokatzearen garrantzia azpimarratu du.
Gaur egun, Gizarte Garapenerako Unitatearen jarduera enplegurako prestakuntza planifikatzea eta eskaintzea da, alderdi guztietan, eta arreta berezia jartzen du pertsona orok behar dituen zeharkako gaitasunetan, bai enplegagarritasuna hobetzeko, bai gizarte-posizionamendua hobetzeko.
Bestalde, Ekonomiaren Garapenerako Unitateak aholkularitza integrala eskaintzen du enpresa-proiektu berriak abian jartzeko, hasierako ideiatik hasi eta merkatuan ezarri arte, hartu beharreko forma juridikoa, eratzeko izapideak, fiskalitatea eta kontabilitatea, enpresa-kudeaketako prestakuntza, negozio-planak eta bideragarritasun-planak, enpresak sortzeko diru-laguntzak, kanpo-finantzaketa, etab.
Ekintzailetasuna
Ikastetxeko 2. mailako ikasle guztiek ekintzailetasunari buruzko hainbat tailer izan dituzte Dema Bizkaiaren eskutik, Lucia Bonilla (Krealu) eta Mikel Pikaza (Malas Compañias Zirko Taldea) ekintzaileen bizipenak disfutatuz.
Mann+ Humel Iberica S.A.U.
Automozioko ikasleek Mann+ Humel Iberica S.A.U. enpresako Antonio Martinezen eskutik ibilgailuen iragazkiei buruzko hitzaldian parte hartu dute.
Burtsa eta Banco de España
Administraritza zikloetako 2. mailako ikasleek Burtsa eta Banco de España bisitatu dituzte Bilbon.
Elektronikako ikasleek I´m bizi lehiaketan 2. saria lortu dute
Gaztedi Durangaldea hitzarmena sinatu duten eskualdeko Udaletan erroldatutako 16 eta 29 urte bitarteko gazteei zuzenduta dago. Proiektuak gutxienez hiru pertsonez osatutako taldeek aurkeztu beharko dituzte. Helburuak ondoko hauek izanik:
– Gazteria kultura ekintzailera eta enpresa berriak sortzeko kulturara hurbiltzea
– Udalerrirako eta eskualderako beharrezkoak diren enpresa ideia berrien garapena bultzatzea.
– Enpresaren kulturari laguntza ematea eta zabaltzea zonaldeko pertsona ekintzaileen artean.
– Enpresa sarearen ezagutza hobetzea herritarren artean.
– Eskualdeak negozio aukera berriak sustatzeko eta bultzatzeko duen eginkizuna zabaltzea.
Administraritzako ikasleek I´m bizi jardunaldian parte hartu dute.
Urriaren 23, 24 eta 25a bitartean durangaldeko ikastetxeen eta heziketa zentroen ikasleak Amorebieta-Etxanoko Zelaieta zentroan bildu dira.
Gaztedi Durangaldea tokiko eremuan gazteei zuzendutako politikak abian jarri nahi dituen programa bat da, kasu bakoitzean beharrezko zerbitzuak emanez. Esku-hartzeko arlo nagusiak zortzi dira: hezkuntza eta prestakuntza, enplegua eta ekintzailetza, esku-hartze soziala, osasuna eta ongizatea, kultura eta sormena, gizarte-konpromisoa, parte-hartzea eta nazioartekotzea.
Gaztedi Durangaldea hitzarmena sinatu duten udalek urte bakoitzaren hasieran zehaztutako ekintzak bultzatu eta haietan parte hartzeko konpromisoa hartzen dute. Ildo horretan, 2017-2019 hirurtekoan, udalek bi helburu dituzte: besteren konturako enplegurako prestakuntza sustatzeko ekintzak bultzatzea (enpresetan lan-praktikak egiteko bekak ematea) eta autoenplegua sustatzeko ekintzak bultzatzea (negozio-ideiei buruzko lehiaketa).