March 2021

Iurretako Ibarretxe Kultur Etxean eman dira Cycle Friendly Employer ziurtagiriak. Jarrai dezagun bizikleta erabiltzen!
Iurreta Lanbide Heziketarekin batera beste Durangaldeko 19 erakundek Cycle Friendly Employer ziurtagiria lortu dute, bizikletaren eguneroko erabilera sustatzeko eta sendotzeko egindako lanarengatik.
Helburua erakunde berriak sartzea da. Durangaldea osoa ziurtatzea bizikletaren lurralde lagunkoia eta mugikortasun aktibo eta iraunkorrarekin konpromezua hartzea nahi da. Horrela, prozesuan sartu nahi duten eskualdeko erakundeek helbide elektroniko honetara jo dezakete: cfe.mdurango@bizkaia.org

Ikasenpresa proiektuaren bidez ikasleek jostailuak egin zituzten eta ondoren saldu. Lortutako dirua Geube elkarteari eman diote.

Durangoko Geube elkartea Euskelec lehiaketarako auto elektrikoaren kolaboratzaile izango da. Horretagatik margoketa lanak egin dituzte eta ikastetxeko sarreran jarri ditugu erakusketa txikitxo batean.

Gure bizitzak hobetzen lagundu diguten emakumeak aldarrikatu, ikusarazi eta aitortzea da planteatu dugun proposamenaren helburua. “Erronka” bat proposatu zaie ikasleeri: talde bakoitzak historia aztertu behar izan du eta bere Familia edo zikloan hobekuntza, berrikuntza edo ekarpen aipagarriren bat egin duen emakume bat (edo gehiago) identifikatu eta proposatu. Gure ingurune hurbilan eragin positiboa izan zuten emakumeak ere kontuan hartu dira: Durangaldeko bizilagunen bizimodua gaur ezagutzen dugun bezala izateko ekarpenak egin zituzten emakumeak, praktikak egiten ditugun enpresetan eragina izan zutenak, egiten dugun lanbideetan…. Emakume guzti hauek ikusarazi eta omenaldia eskaini nahi izan diegu.

Jasotako proposamenekin Erakusketa bat egitea izan da asmoa, zentroan bertan eta posible balitz webgunean eta sare digitalen bitartez ere. Erakusketa “BIZITZA HOBETU ZIGUTEN EMAKUMEAK” lelopean eta jasotako proposamen guztien erreseinak eta irudiek osotu dute.

Proposamena bereziki ikasleei zabaltzen den arren, zabalik egon da irakasle eta ikastetxeko langile guztiei ere. Iurreta Lanbide Heziketarekin elkarlanean aritu ohi diren erakunde, enpresa, erakunde eta eragile sozial eta/edo ekonomiko guztiek ere parte hartzeko aukera izan dute sare sozialetan jarritako informazioarekin. Adibide batzuk gehitzen dituzu. Ikusi gure web gunean.